KABANATA 52:
ILANG ARAW NA ang nakalipas at hindi na muling nagkaroon ng argumento si Caro at Dalee. Nagkasundo silang dalawa. Bagamat may ilangan sila noong unang araw matapos na may mangyari sa kanilang dalawa, hindi iyon naging hadlang.
Kaya lang, ramdam ni Dalee na umiiwas si Caro sa tuwing sila na lang dalawa. Siya rin naman, naiilang siya kapag sila lang ang magkasama lalo na kung nasa loob sila ng iisang silid. Nag-uusap naman sila at nagbibiruan, ngunit ramdam nila ang matinding ilangan.
“Andres!”
Pati si Dalee ay napalingon nang may tumawag kay Caro. Isang babaeng halos kasing-edad lang din niya ang lumapit– si Eula, isang police officer na matagal nang may gusto kay Andres. Bulgar ang pagkakagusto nito kay Andres, lalo noong dito pa sa station nila naka-destino ang police off
