KABANATA 42:
HINDI MAKAPANIWALA SI Dalee na bumigay siya kay Caro at may nangyari sa kanilang dalawa. Gusto lang naman niyang sabihin nito ang totoo niyang pagkatao pero bakit may kasama pang pang-aakit? Naakit tuloy siya!
Kanina pa nakababad si Dalee sa banyo, halos natuyo na nga ang tubig na ibinuhos niya kanina dahil sa pagkatulala. Matapos ng nangyari kanina, ano pa ba ang gagawin niya? Gusto niyang ipakulong si Caro, pero kaya niya bang makita na ang sarili niyang kaibigan ay nakakulong? O kahit si Caro… masisikmura niya bang makita itong nakakulong?
Napapikit siya nang mariin saka napatili sa sobrang inis. Kapag nakita niya talaga ulit si Caro, sasapakin niya ito sa mukha!
Ipinagpatuloy niya ang paliligo, nang matapos ay lumabas siya ng banyo at nagbihis. Kahit medyo nagugutom n
