ABALA na ang lahat sa paghahanda para sa kasal. Sabado ng hapon dumating sa resort ang parents ni Ingrid. Hindi naman natutukan ni Dwayne ang resulta ng raid operation nila Vladimir sa kampo ni Simon dahil hindi na siya pinaalis ni Ingrid ng villa. Mawala lang siya sa paningin nito ay kaagad siyang tinatawag.
Mabuti na lang pumunta roon sa villa si Wallace nang hapon ng Sabado. Hinintay siya nito sa rest house niya. Tulog pa si Ingrid kaya lumabas siya at sa playground niya hinarap si Wallace.
“Under the saya ka na ngayon ng asawa mo, ah,” nakangising bungad sa kaniya ni Wallace. Lumuklok ito sa duyan.
Siya naman ay umupo sa bench sa gawing kaliwa nito. “Ako ang pinaglilihian niya, eh. Hindi puwedeng mawala ako sa paningin niya,” aniya.
Tumawa nang pagak si Wallace. “Kailangan ba talag
