Kabanata 101
Pagkatapos niyang mag-impake ay isa-isa na ring inilabas ni Kei ang kanilang mga gamit. Tumulong na rin siya at iyong magagaan lang din ang binitbit niya.
"Anong oras ba ang flight ninyo Patrick?" wika ni Tita Cielo nang makababa na sila sa sala.
"Mamayang hapon Tita Cielo. So by at this hour, we should be on the train station," casual naman na sagot ni Kei.
"Mag-iingat kayo sa biyahe, okay? Masaya pa rin ako dahil kahit papaano ay nag-stay kayo rito sa bahay ko kahit ilang araw lang," nakangiting wika ni Tita Cielo.
"Masaya rin naman kami Tita Cielo, pero kasi gusto ni Kei na maiba naman ang lugar na papasyalan namin kaya susulitin na lang namin habang nandito pa kami," sagot naman niya.
"Tama naman si Kei. Japan has a lot of tourist spots to offer. Just grab it,"
