97 - The Truth
Pauwi na sina Bernard at Adelle sa mansyon ng mga Consunji. Tahimik lang ang biyahe. Walang nagbalak na magsalita sa kanilang dalawa. Kanina pa tingin nang tingin si Bernard sa asawa dahil pansin niyang tila wala ito sa sarili matapos makita si Heart.
Gusto niyang magkunwari na wala siyang kahit na anong ideya, pero hindi niya magawa lalo na’t alam niya kung ano ang nangyayari. Alam niya kung bakit wala sa mood ang asawa niya. Hindi niya lang masabi-sabi dahil naghihintay lang siya ng tamang pagkakataon.
“Did you enjoy the dinner, Adelle?” malambing niyang tanong sa asawa upang mabasag ang katahimikan sa pagitan nilang dalawa.
“Y-Yes, Bernard,” tugon nito at ngumiti—pilit na ngumiti.
Kahit na matagal silang hindi nagsama ay kilala ni Bernard ang asawa. Alam niya kung ka
