"Kailangan pa ba nating magtungo sa Korea para mag honeymoon?" Tanong niya kay Akio nang sabihin sa kanya ng asawa na aalis sila bukas papuntang Korea para sa kanilang honeymoon.
Late na siyang nagising dahil medyo napagod siya sa pinagsaluhan nila ng asawa kagabi. Iyon ang unang pagkakataon na nagtalik sila ng asawa. Wala siyang pinagsisisihan sa nangyari sa kanila ni Akio, gusto niya ang nangyari sa kanila kagabi. Masaya siya na sa asawa niya unang naibigay ang kanyang sarili.
Pag gising niya kaninang umaga wala na si Akio sa kanyang tabi, kaya naman bumangon na rin siya para mag hilamos at makapagbihis. Pagbaba niya kanina sinabi ng kasambahay na nasa komedor si Akio at hinihintay para mag almusal. Hindi nga niya alam kung paano haharapin ang asawa matapos ang nangyari sa kanila kagab
