"Hindi ko po inaasahan ang gabing ito Mama, hindi ko inakala na magiging ok na po pala sa atin ang lahat," saad niya sa ina nang mag usap sila nito na silang dalawa lang. Si Celina nasa may sala kasama si April at ang Ate Alexa niya nag bo-bonding, kwentuhan. Natutuwa siyang makita na nagkakasundo na ang mga ito. Ito ang tanging hiling niya ang magkasundo ang pamilya at ang asawa niya.
"Kinausap ko kasi iyang mga kapatid mo about sa inyo ni Celina. Pinaliwanag ko sa kanila na it's time na para ayusin ang pakikitungo nila sa asawa mo. Sinabi ko sa kanila na asawa mo na si Celina, siya ang pinili mong makasama habang buhay bagay na aming dapat tanggapin," litanya ng ina.
"Nakikita mong ganyan ang mga kapatid mo, mature naman mag isip ang mga iyan, sadyang pa baby lang pagdating sa iyo, paa
