Kinabukasan maaga silang umalis ni Akio para bumiyahe patungong Korea para daw sa kanilang honeymoon. Hindi na sana siya tutuloy pa lalo na't alam naman niyang may ibang babae na naghihintay sa asawa niya pagbalik nila galing Korea. Baka nga habang nasa Korea sila nito at nasa honeymoon kuno eh ang Janine na iyon ang iniisip ng asawa.
"May problema ba, Celina? Kagabi ka pa tahimik?' Tanong sa kanya ni Akio nang pagbaba nila ng eroplano pagdating sa Korea.
"I am ok, Akio, don't worry," tugon niya sa asawa na hindi man ito nilingon at sinuot ang mamahaling shades na dala niya para hindi makita ng asawa sa tuwing susulyapan niya ito.
"Celina, kung may problema ka we can talk about it, hindi iyung basta ka na lang tatahimik. Hindi ako manghuhula para mahulaan ko kung ano ang nasa isip mo,"
