"Sigurado ka na ba diyan Akio? Hindi biro iyang pinapasok mo hijo. Once na kasal ka na at magkaanak na kayo iba na ang magiging takbo ng buhay mo. Mawawala na ang kalayaang nakasanayan mo," seryosong saad ng kanyang Papa nang sabihin niya rito ang plano niyang pagpapakasal.
Naisip niyang mas mabuting ipaalam na muna niya sa kanyang Papa ang kanyang plano bago sabihin sa Mama at mga kapatid niya. Alam kasi niyang wala siyang magiging problema pagdating sa Papa niya at ang problema ay sa Mama at mga kapatid niya panigurado.
"Sigurado na po ako Papa. Handa na po ako sa ano mang responsibilidad," tugon niya sa ama.
Paninindigan na niya si Celina. Haharapin niya ang ano mang magiging pagsubok, ang mahalaga sa kanya ngayon ay maging asawa na niya si Celina. Alam niya sa kanyang sarili na may
