Nakaramdam siya ng awa nang makita ang kalagayan ng Ate ni Akio na si Alexa na nakahiga sa kama at walang malay. Nakita niyang nakabalot ang palapulsuan nito, marahil doon ito naglaslas.
Hindi niya maiwasan makaramdam ng galit sa kapatid niya. Dahil rito may ibang taong naghihirap at nagnanais na mamatay na lang kesa magpatuloy pa sa buhay. Hindi niya alam kung paano nagawa ng kapatid ang lahat ng ito. Humanda ito pag nagkita sila.
Tahimik lang siyang nagmamasid sa isang tabi habang nag-uusap ang magkapatid. Kausap ni Akio ang bunsong kapatid nito na pinakilala nito sa kanya kanina. April ang pangalan nito at nahalata niya agad sa kilos at mga sulyap sa kanya ng babae na hindi siya nito gusto para sa kapatid nito. Unang sulyap pa lang sa kanya ni April kanina naramdaman na niya ang pagka
