CHAPTER 39
Monina's P. O. V.
Habang nagluluto ako ng tanghalian ay nakayakap lang sa akin si Khayne. Ayaw niya ako bitawan. Kahit anong gawin ko o kahit saan pa ako magpunta.
"Asawa ko... Bakit ang bango-bango mo?" tanong niya at sumubsob sa kili kili ko.
Napakunot ang noo ko. Sa totoo lang ay wala pa akong ligo. Hindi naman ako nahihiya sa kaniya, asawa pa rin ang turing namin sa isa't isa.
"Asawa, bakit hindi mo 'ko pinapansin?" aniya.
Pinukpok ko ang hawak kong sandok sa gilid ng kasirola.
"Grabe, parang galit ka," aniya.
Hinarap ko siya at napabuntong hininga ako. Para siyang bata na hindi mawalay sa ina. Kung maglambing ay akala mo hindi siya mas matanda sa akin ng limang taon.
"Hindi ako makakilos ng maayos, asawa naman," daing ko at pumamewang.
