SI Marionne lang ang kasama ni Janna sa ospital para sa check-up niya sa OB. Hindi na siya pina-report ni Jin sa opisina kahit pagkatapos ng check-up. Normal na ang blood cell count niya at malusog ang baby. Kailangan lang niyang ituloy ang vitamins at sundin ang payo ng doktor.
Alam niyang wala nang oras si Jin upang asikasuhin siya kaya sinanay niya ang sarili na wala ito. Niremedyuhan na lamang niya ang cravings niya sa presensiya nito at amoy.
Dalawang magkasunod na gabing late umuuwi si Jin. Minsan ay magigising na lang siya na nasa tabi na niya ito. Maaga rin itong umaalis kaya hindi sila nagkakasabay sa almusal, maging sa hapunan.
Kinabukasan ay isinama na siya ni Jin sa opisina pero iniwan din siya roon. Nangako naman itong babalik ng tanghali at sabay silang kakain. Konting pa
