NAPASARAP ang tulog ni Janna sa biyahe at nagising siya na nakahiga sa upuan ng sasakyan habang nakaunan sa mga hita ni Jin. Nakapikit din ito pero tuwid lang ang upo. Madilim na sa labas at papasok na sila sa mansiyon ni Jin. Umupo siya nang maayos nang huminto ang sasakyan.
Nagising na rin si Jin pero hindi makagalaw at ininda ang nangawit na binti. Akmang hahawakan niya ito ngunit kaagad siyang pinigil.
“I’m okay,” sabi nito habang minamasahe ang binti.
Binuksan na ng bodyguard ang pinto sa tabi niya. “Sigurado kang okay ka lang?” nag-aalalang tanong niya.
Tiniis nitong naka-steady ang posisyon habang tulog siya sa kandungan nito. It’s her fault.
Tumango ito. “Sige na, bumaba ka na.”
Lumabas na lamang siya at kinuha ang kaniyang mga gamit. Nahihilo siya sa tagal ng biyahe kaya du
