MALAMIG na ang simoy ng hangin. Napayakap sa kaniyang sarili si Janna at nagpaalam na sa puntod matapos mag-alay ng panalangin. Tinahak niya ang kalsada palabas ng memorial park. Naghihintay na sa labas ng gate si Zadkiel.
“So, where we gonna go now?” nakangiting tanong nito.
“Uuwi na sa Batangas. Baka magalit na si Papa kapag hindi pa ako uuwi ngayon.”
“Pero alam naman niya na check-up mo sa OB ngayon, ‘di ba?”
“Alam mo naman iyon, basta may okasyon, gusto kumpleto tayo.”
“Kung sa bagay. Tumatanda na ang papa mo, nagiging matampuhin na,” amuse na sabi nito.
She laughed.
Inalalayan siya ni Zadkiel papasok ng kotse. Mabigat na ang tiyan niya dahil pitong buwan na ang kaniyang baby. Excited na siyang masilayan ang baby boy niya. Siguradong kamukhang-kamukha ito ng daddy nito.
Napati
