IBINUHOS na ni Janna ang kaniyang lakas sa pag-iri hanggang sa hindi niya namalayang ligtas niyang nailuwal ang sanggol. Narinig na lang niya itong umiyak. Tanggal lahat ng sakit nang masilayan niya sa wakas ang kaniyang anak.
Umaga pa lang ay humilab na ang kaniyang tiyan, at nataong nasa JBM si Jin at dumalo sa meeting. Nakapag-usap pa sila sa cellphone bago siya dinala sa ospital. At pagdating nga niya ay ramdam na niya na lalabas na ang baby. Wala pa rin si Jin pero naalis ang inis niya rito nang mahawakan na ang sanggol.
Saka lang dumating si Jin, hapong-hapo, natataranta pa. “Sorry, naipit pa ako sa traffic,” hinihingal nitong sabi.
“Okay na,” nakangiting sabi niya.
Nang makita ang kanilang anak ay abot tainga ang ngiti ng kaniyang asawa. Nilapitan sila nito at siniil siya ng hal
