KABANATA 40:
HINDI naging dire-diretso ang tulog ko at kada ma-alimpungatan ay umiiyak ako. Dahil sa walang tigil na pag-iyak ay napapagod din ako at nakakatulog. Kaninang pag-gising ko ay wala na sa tabi si Mommy. Umalis na din ng mapansin niyang nakatulog na ako. Kahit na walang maayos na tulog. Nagising pa rin ako ng maaga. Sumasakit na ang tiyan ko dahil sa gutom.
Pagtayo ko pa lang ay para na kong nakalutang. Tila ba hangin na lang ang aking katawan. Pinilit ko pa ring kumilos kahit na ang totoo ay tamad na tamad ako.
Humarap ako sa salamin. Namumugto ang mga mata pero kita na ang dark circles, tuyo’t ang balat at walang sigla. Iyong isang araw at gabi na parang delubyo kung maituturing para sa akin ay kay bilis ng epekto sa itsura ko ngayon. Buhay pa ko pero para na din akong pata
