CHAPTER 33
"Orospu çocuğu! (Son of a b***h!)"
Hindi napigilan ni Mattheo ang malakas na mapamura nang maramdaman niya ang pagbangga na ginawa ng itim na van sa bandang likuran ng kotse ni Allana.
Tama nga ang kanyang hinala na sadyang sinusundan sila ng naturang sasakyan, bagay na hindi niya alam kung bakit.
Sino ba ang pakay nito? Si Miguel ba na kasalukuyan niyang katauhan? O si Allana na sakop ni Zehra ang katawan ngayon?
Dahil sa naisip ay agad siyang napalingon sa dalagang kasama niya. Dahil sa nakakabit na seatbelt sa katawan nito ay hindi rin nito masyadong ininda ang pagbangga sa kotseng sinasakyan nila. Ngunit bakas sa mukha nito ang pagkagulantang dahil sa nangyari.
"What are they planning to do?" tanong nito sa kanya habang panaka-naka pa ring tinatapunan ng tingin ang van
