CHAPTER 47
Naglalakad na sila sa pasilyo patungo sa opisina ng CEO ng kompanyang kinaroroonan nila ngunit hindi pa rin mawala sa isipan ni Mattheo ang napakaraming katanungan. Kaagapay niya sa paglalakad si Zehra habang nakasunod naman sila sa isang empleyado ng Ercel Real Estate na siyang naatasan upang samahan sila sa pag-akyat sa opisina ng boss ng mga ito.
Ibang-iba na ang hitsura ng gusali kaysa ng mga panahon na sa kanila pa ang naturang lugar. Kapansin-pansin na ang maraming pinaayos at pinabago. Kung hindi lang iisa ang address ay iisipin niya na nasa ibang lugar sila at wala sa gusali na dati ay pag-aari pa ng pamilya niya.
Dumaan sila sa mesa ng sekretarya ni Emre. Agad itong kinausap ng empleyado na kasama nila ni Zehra.
"Emre Bey burada mı? (Is Mr. Emre here?)" marahan na t
