Hindi nakapagsalita si Fara habang nakatitig sa lalaking kaharap niya. Walang bahid ng kahit anong emosyon ang mukha nito. Hanggang ngayon ay hindi pa rin ma-digest ng kanyang utak ang rebelasyong sinabi nito. Hindi ito si Landy. Walang Landy. Ang tunay na pagkatao nito ay Dylan Deogracia. Mayaman ito, tagapagmana ng isang malaking imperyo ng mga lupain.
Napasinghap siya at napailing na lang. Iniwas niya ang kanyang tingin, hindi pa rin makapaniwala sa mga nalaman. Ikinuyom niya ang kanyang mga kamay at saka nilukot ang hawak na mga papel.
“Mama, bakit po? Sino po siya?” Naramdaman niya ang paghawak ni Dee sa kanyang braso.
Muntik na niyang mahigit ang kanyang hininga nang marinig iyon. Marahan niyang nilingon ang anak at tipid itong nginitian. Napalunok pa siya. Hinila niya
