BIGLANG napatigil sa pagsasalita si Nikki. Iyon ay dahil sa sinakop na ng binata ang mga labi niya. Nandilat ang mga mata niya dahil sa ginawa nito. Pero unti-unting pumikit ang mga mata niya nang gumalaw ang mga labi nito nang marahan na tila ba ini-engganyo siyang tugunin ang halik nito. At iyon na nga ang ginawa niya. Marahan niya ring ginalaw ang mga labi bilang pagtugon dito.
Narinig niya ang mahina nitong pag-ungol dahil sa saya saka naramdaman niya ring humigpit ang pagkayakap nito sa kaniya.
Nabitiwan niya ang kaniyang hawak na purse upang yumakap sa baywang ng binata. Napatiyad pa siya habang patuloy na nakipaghalikan dito dahil sa tangkad nito. Saka naramdaman na lang niyang binuhat siya nito patungo sa pinakamalapit na malapad na window seat ng dining room. Pinaupo siya nito
