BH 33
Kakalabas pa lang ni Paige sa banyo nang pumasok naman si Medz sa pinto ng kwarto. Magtatrabaho na sana siya at handa ng pumunta sa office table niya pero nagsalita ito.
"Sisteret, may pogi sa ibaba, gusto kang makausap. Lespu," anito sa kanya saka ito sumandal sa hamba.
"Pulis?"
"Mismo."
Hindi siya nag-atubili na maglakad papunta sa pintuan para harapin ang pulis na sinasabi ni Medz. Nagtataka siya sa kailangan ng mga yun sa kanya pero parang kinakabahan na naman tuloy siya. Napakanerbyosa na talaga niya sa mga panahon ngayon.
Kasama niyang bumaba ang bakla at agad niyang natanaw ang naka-sibilyan na mga pulis. Ang mga ito ang kausap niya sa ospital nang nakaraang araw, ang mga pulis na may hawak sa kaso ng nangyari sa kanya at nangyari kay Phoenix.
"Officers," aniya saka isi
