BH 71
Kunot noo si Beatrice nang pumasok ang anak sa kwarto nito pero madilim ang mukha at balisa.
"Anak," anito sa kanya kaya naman napasandal siya sa pader. Pinalayas niya ang nurse nito kanina dahil ayaw niya sa di kilalang tao ng pamilya. Baka ang hinyupak na nurse ang tao ni Augusto. Kaya naman niyang personal na alagaan ang ina o kung sino sa mga katulong.
"Anong nangyayari anak ko? May problema ba?"
"Masaya sana ako Mama kasi nandito si Paige at makilala mo na siya. Buntis siya."
Napasinghap ito at kumislap ang mga mata tapos ay bigla rin na nalungkot.
"Bakit Ma?"
"H-Hindi ba siya mandiri sa akin? Baka hindi siya lumapit at ang apo ko baka…"
"Ma, mabait si Paige at matalino. Alam niya ang sakit mo at lalapit siya sigurado. Kapag maayos na ang sitwasyon, palalabasin ko na siy
