BH 54
TALAGANG inilaan ni Phoenix ang araw na yun para hanapin ang Mama niya sa lahat ng mga bahay ampunan sa Makati at mga karatig lugar. Tatlo na ang napupuntahan niya pero wala roon ang Nanay niya. Hindi naman kasi niya alam ang eksaktong lugar kung saan yun tumira noong bata pa, o kung anong pangalan ng ampunan.
Ipinarada niya ang motor sa harap ng Precious Heritage, sa Antipolo, Rizal. Nakita niya ang katiwala nang tanggalin niya ang helmet na suot.
"Pwede pong magtanong?" Aniya sa babaeng nagtatapon ng basura sa labas, inilalagay sa drum ang mga garbage bags.
"Ano yun, anak?"
"Saan ko po pwedeng makausap ang tagapamahala nito?"
"Sa loob, bakit? Mag-aampon ba kayo ng misis mo?"
"Hindi po. Magbubuntis na po siya pero may hinahanap akong tao."
"Sino?"
"Beatrice po."
"Beatrice?
