Chapter 46
“Ano ba!” Marahas kong tinanggal ang kamay ko sa kanilang pagkakahawak at buong puwersa silang tinadyakan. Wala akong pakialam kahit malalaki pa ang katawan nila.
“Aray!” Dumaing lang sila sa sakit pero hindi naman gumanti.
Inilibot ko ang tingin sa buong paligid. Halos mapanganga ako sa ganda at lawak ng lugar kung nasaan ako ngayon. Mukhang loob ito ng isang mansyon. Ang ganda rin ng mga kagamitan at nakasabit na painting sa pader. Halatang may magandang taste sa art ang may ari nitong bahay.
Dahan-dahan akong napakunot ng noo habang tinitingnan ang mga ito. Ang buong akala ko pa naman kanina, dadalhin nila ako sa isang abandonadong lugar.
Lumingon ako sa mga lalaki. “Bakit n’yo ako dinala rito?”
“Pinapapunta ka ni Boss sa Art studio,” saad ng malaking lalaki.
Napataas
