Agad na napatakip si Fauleen sa kanyang bibig nang humikab siya. Kinusot -kusot niya pa ang kanyang mata. Antok na antok pa talaga siya dahil anong oras na rin siyang nakatulog kagabi at ala-siyete pa lang ng umaga ay gising na sila.
Naghahanda na kasi sila para sa pagbaba nila. Nagkape lang sila ni Lincoln tapos ay tinipon na rin sila ng tour guide nila sa bakuran ng mga bahay.
"Maraming - maraming salamat po sa pagpapatuloy niyo sa amin. Kailangan na po naming tumulak at baka maabutan na naman kami ng ulan." Narinig niyang sabi ng tour guide nila sa mga may-ari ng bahay nang nasa labas na silang lahat.
Humikab ulit si Fauleen. Naramdaman niya ang paglapit ni Lincoln sa kanyang gilid.
"You still sleepy," sabi nito, nakangiti. Agad niya itong nilingon. Sandali siyang napatitig dito
