HALOS isang oras na akong nagiikot pero hindi ko na talaga makita ‘yong bangin na dinaanan ko kanina. ‘Yon lang naman ang palatadaan ko para hindi maligaw!
Mas’yado naman akong nawili sa pangunguha nitong mga kabute. Malalaos na rin ako sa kakasigaw pero wala talaga akong naramdamang presens’ya ng tao.
“Tanginà, patay talaga ako nito. Nagdidilim na…” Napapakuskos na lang ako ng sarili kong mga balikat dahil nawala na ‘yong sinag sa kalangitan. Napalitan ng nangingitim na mga ulap at parang nagbabadyang bubuhos ang malakas na ulan.
Nagsisimula na ring umingay ang tunog ng mga insekto sa paligid. Umuugong ‘yon sa mga tainga ko at nakakarindi.
“TULONG! MAY TAO PO BA RIYAN SA TABI-TABI?!” Nagsisiparan ang mga ibon sa puno sa lakas ng boses ko. Nag-e-echo rin ang aking tinig sa bawat su
