DOON na naman ako hinawakan ng dalawang terorista sa magkabilang upper arm. Ngumiwi pa ako ng malala dahil nahawakan ng isa ang sugat ko sa kaliwang braso. Tiniis ko na lang ‘yon kaysa mag-reklamo. Malupit ang mga dumukot sa ‘kin kaya nararapat na lang na magiingat ako.
Gagawin ko ang lahat para hindi mag-panic kahit halos aatakihin na ako sa puso. Sapilitan nila akong pinapasok sa loob ng malaking bahay na yari sa kawayan. Pagdating ko roon, may nasilayan pa akong mga armadong lalake na naka-bantay sa bawat sulok ng silid.
Nakita kong mas naunang pumasok ang anak ng pinuno sa gitnang pintuan. Doon naman ako tinulak para maka-pasok. Kama agad ang nasilayan ko.
Naka-tayo lang sa kanang bahagi ng kama ang lalake habang naka-ngising tinititigan ako. Marahas nila akong pinaupo sa paanan b
