"Son?" tinapik nang aking ama ang balikat ko. Saka ito tumayo sa aking tabi. Nandito ako sa The Alpha's Town. Pagkahatid ko kay Farrah sa tapat ng bahay nila'y agad akong nagtungo rito.
"Alam na n'ya, dad." Mahinang ani ko. Walang kabuhay-buhay ang tinig.
"Naipaliwanang mo ba sa kanya?"
"Hindi kami nagkausap nang maayos. Kinuha s'ya ni Cathaline Apolinario. Sinundo ko s'ya sa bahay. Tapos nagtalo kami."
"Bakit nandito ka pa?" sinulyapan ko ang aking ama. Nagtataka sa sinabi nito."Puntahan mo s'ya, ipaliwanag mo sa kanya nang maayos ang sitwasyon."
"I'm not yet ready to do that."
"Hindi ko alam kung ano pa ang pumipigil sa 'yo na gawin iyon. Son, mas lalo lang mahirap ayusin ang isang bagay kung lalo lang nating ginagawang kumplikado. Pwede n'yong pag-usapan iyan, bago pa mahuli an
