“I admit, naging gago ako noon. Hinayaan ko siya. Natakot kasi akong magmahal muli that time kaya tinago ko yung nararamdaman ko para sa kanya. Natakot ako na baka mawala siya sa akin kapag mahal na mahal ko na siya,” paliwanag ni Gino habang hinahaplos ang buhok nito.
Pinunasan ni Sweetie ang mga luha niya. Lumayo na si Gino sa kanya ngunit nagulat ito nang hampasin niya itong muli sa dibdib.
“Aray. Ang bigat ng kamay mo,” kunot ang noo ni Gino nang sabihin iyon.
“Nakakainis ka kasi. Mahal mo pala pero pinabayaan mo.”
“Nagsisi naman ako. Nagbago naman ako, eh.”
“Talaga? Bakit gusto mong maging kabit ko?”
Huminga ng malalim si Gino. “You’ll know,” tipid na sagot nito tsaka na bumalik sa kanyang kinauupuan.
“Gusto kong malaman,” pagpupumilit ni Sweetie. Nagtaka naman siya dahil nap
