Tulala ako habang umuusad ang sasakyan. Sinundo ako ni Claudia kanina. Pagkatapos kong makita ang result ay hindi ko alam kung saan na napunta ang puso ko. No'ng katukin ni Theresa ang pinto ng banyo ay nataranta ako. Binalot ko ng tissue ang PT. Saka akmang lalabas. Pero nakita ko pa iyong PT ni Theresa na nakalagay lang din sa lababo. Agad kong ginamitan ng tissue iyon. Nang lumabas ako'y iyon ang iniabot ko sa babae.
"Oh, negative? Nice. Safe." Tuwang ani nito.
"Theresa, alis na muna ako. May sundo na ako sa labas." Kinuha ko ang phone ko at inilagay sa bag ko. Hindi ko rin nakalimutan na ilagay ang PT na binalot ko sa tissue. Saka nagmamadaling lumabas. Tamang-tama na huminto sa tapat ng tarangkahang kahoy ang sasakyan ni Claudia. Nag-bye lang ako kay Theresa saka sumakay na.
"An
