HINDI maka-get over si Stella sa nakita niya sa Senitech building. Iginiit niya na si Glenn talaga ang nakita niya. Pero kung hindi, maaring si Haru. Wala na siyang nakuhang update mula kay Haru simula noong umalis siya sa Laurel Institute. Hindi rin naman siya nagtanong sa papa niya.
Hinintay niya ang tawag ng Senitech bago mag-file ng resignation sa pinagtatrabahuhan niya. Pero Sabado ng gabi ay umuwi siya sa kanilang bahay kasama si Tiya Lena at Gareth. Nagulat siya sa kaniyang nadatnan. Nagduda na siya nang makita ang puting kotse na nakaparada sa harap ng bahay nila. Kilala niya ang kotse, pag-aari ni Fabio.
Hindi na sana siya tutuloy pero nakita na siya ni Fabio na palabas ng gate.
“Stella! Long time no see! And how’s Gareth?” nakangising bungad nito, akmang lalapitan si Gareth na
