I'm sorry. Didn't mean to be rude.
Maka-ilang ulit kong binasa ang text message na iyon mula sa numero ni Royce. Ayon sa details ng mensahe, kagabi pa ito; noong tinapos ko ang tawag ko sa kanya.
I didn't expect him to text me, though. Mabuti na lang rin ay hindi pinakealaman ni Mykolas ang phone ko kagabi dahil kung hindi, mababasa niya ito.
Humalumbaba ako sa lamesa dito sa C3 habang tinitingnan pa rin ang mensahe ni Royce. Abala naman sa pag-uusap sina Jaica, Emman, at Brae.
Well, at least alam ni Royce sa sarili niya na naging rude siya kagabi. And now I'm contemplating whether to text him back and say 'It's fine' or just leave him on read. Subalit nangangati ang mga daliri ko na mag-reply sa kanya. Gusto ko ring itanong kung nasaan siya ngayon at kung maaari ko ba siyang bisitahin
