"What the f*ck?" Reklamo ko sa kaibigan ko nang bigla nitong haplusin ang tiyan ko.
Matinis naman itong tumawa saka mabilis na lumayo sa akin. Alam kasi niyang babatukan ko siya.
Isang linggo na niya itong ginagawa sa akin. Simula noong makauwi kami ni Mykolas mula sa quick getaway namin. Akala yata ng baliw kong kaibigan ay buntis ako.
"Baka lang mayroon nang nabuo." Matamis itong ngumiti at lalo pang humakbang palayo.
Dinampot ko ang tsinelas kong pambahay saka ibinato sa kanya. Agad naman itong nakailag. Isang linggo na rin niya akong pinipikon.
Kung anu-ano nga ang nabuong senaryo sa utak niya na ginawa namin ni Mykolas sa dalawang araw namin doon sa resort nila, eh. Inisip niya na sa dalawang araw na iyon, puro paglalaro lang ang ginawa namin. Iyong laro na puwedeng makabuo ng ba
