Gabi na nang ako ay magising mula sa mahimbing na pagkakatulog. Nakatulog ako pagkatapos naming mag-usap ni Norman, kaninang umaga.
Pagkagising ko ay wala na si Norman sa aking tabi. Marahil ay hindi pa siya naka-uwi galing sa korte. Napangiti na lamang ako habang bumaba na sa aking higaan.
Nang papalabas na ako sa aking kuwarto, bigla ko na lamang naisip ang mga pangyayari nitong nagdaan.
May mga araw na ipinagdadasal ko na lamang na sana ay mawala na ako sa mundo. Maraming beses ko na ring naranasang lamunin ng kalungkutan, puot, galit, at pangangamba. At may mga panahon din na sinasabi ko na lamang sa sarili ko na hayaan na lang ang lahat at ipagpaubaya ko na lamang sa Poong Maykapal ang lahat na pinagdadaanan ko. Most of the time, even though I want to avenge my friends and myself,
