MALALIM na napabuntong-hininga si Arthur pagkatapos ng nangyari. Ngayon ay nasa isang tagong kamalig na sila na hindi na pinupuntahan ng kahit na sino, dito mamamalagi ang mga bampirang pinili niyang tulungan.
Hindi umiimik ang mga ito kaya't hindi na siyang nag-aksya pa ng oras na magsalita pero matatalim ang tinging iniwan niya sa mga ito bago nagmartsa palabas ng kamalig.
Nadatnan naman niya sa labas si Farah na nakaupo sa isang bato habang kunot ang noo at abala sa paghagus ng maliliit na bato. Tila malalim ang iniisip nito.
Ang Nanay nito ay idinala sa pagamutan ng Nayon pero sinabi ng manggagamot ay maayos na ang kalagayan nito. Habang si Anna ay nawalan ng malay at iniwan sa puder ng asawa niyang si Linda.
Mabilis na tumayo si Farah nang makita siyang lumabas ng kamalig. Puno ng
