HINDI inasahan ni Anna ang biglang pagkikita nilang muli nina Deine, Sarah, at Nixon. Ang akala niya kanina ay nananganib na ang buhay niya at may nagbabadya nang mangyaring masama sakaniya ng hindi nalalaman nina Deine. She’s been plotting to sneak and find their whereabouts without Arthur’s knowledge. Pero ito sila ngayon at nagkita-kita na.
Pinunasan ni Anna ang luhaan niyang mukha habang nakaharap kay Arthur na hindi pa rin umiimik.
“A-Arthur, b-bakit... hindi ba’t—
“Gusto kong makumpirma ang lahat ng sinabi mo kanina, at mukhang totoo nga.” Malalim ang boses na sagot ni Arthur. Napalunok si Anna at malamlam na napatitig rito bago dahan-dahang napatango.
“A-anong binabalak mo ngayon? Parang awa mo na, huwag mo silang saktan, huwag mo kaming saktan, wala kaming ginawa o gagawing ma
