NAGISING ako na wala na sa tabi ko si Isaac. Kinabahan ako dahil baka umalis na siya dahil iniisip niya ay nagbibiro lang ako sa mga sinabi ko sa kanya kagabi.
"Nasaa na kaya siya?"
Bago ako lumabas ng kuwarto ay naghilamos at nag-toothbrush muna ako. Ayoko kasing makipag-usap kapag bagong gising ako at hindi nagto-toothbrush. Sinuot ko ang roba ng lumabas ako.
"Good morning, Ma'am!" bati sa akin ng katulong namin nang makasalubong ko siya sa hagdan.
"Good morning. Nakita mo ba ang asawa ko?"
Tumango siya. "Nakita ko po si Sir sa kusina na nagluluto."
Kumunot ang noo ko. "Nagluluto siya?"
Tumango siya. "Opo! Nagluluto po siya ng breakfast."
"Bakit siya ang nagluluto? Nasaan ang cook natin?"
"Pinipigilan nga siya nila Manang Linda kaya lang ayaw niya po magpapigil."
"Okay, salamat
