"ANO na ang balita sa naghagis ng granada sa mansyon ng biyenan mo?" tanong ni Daddy sa akin habang kumakain kami ng breakfast. Kasabay kong kumain si Daddy at Mommy. Si Isaac ay maaga umalis dahil sa operasyon na gagawin niya sa isang pasyente.
Huminto ako sa pagkain at pagkatapos ay tumingin sa kanila. "Hindi pa rin nahuhuli kung sino ang mga taong nanakot sa kanila."
"Alam mo mas maganda siguro kung sa bahay muna kayo ng Tita Jhoace mo pansamantalang tumira."
Umiling ako. "Mahihirapan po ang mag-ama ko. Alam n'yo naman na mahigpit ang security sa bahay nila."
"Anak, nag-aalala lang naman ako sa iyo."
"Tama ang Daddy mo. Pumayag na kayong pansamantalang tumira sa Tita Jhoace mo," sabat ni Mommy.
Bumuntong-hininga ako. "Mom, Dad, wag kayong mag-alala sa amin. Hindi naman siguro kami
