Marami silang kwento sa akin galing sa school na hindi ko nasaksihan. Hindi nga lang din makawala si Damon sa mga tingin ko nang mabanggit nilang ilaw araw siyang hindi pumasok para lang mabantayan ako. Hindi naman niya ako kailangan bantayan dahil sigurado akong hindi ako pababayaan nila Mommy at Daddy.
"That's the worst thing that I ever did to my life!" Napairap si Amber na para bang hindi makapaniwala na nagawa niya ang bagay na iyon.
Ikinukwento niya ang mga ginagawa nila noon kasama si Astrid at hindi maipagkakaila na hindi nga talaga naging magandang impluensya ang babaeng 'yon sa kaniya. Natutuwa lang din ako dahil nakikitang kong bumabalik na sa dati si Amber. Kanina ay narito sila Mommy at Daddy, umalis lang para makabili ng pagkain at makakuha ng mga damit. Hindi rin nila map
