Siguro ay sa sobrang pagod nakatulog ako kaagad nang isandal ko ang ulo sa sofa. Hindi ko alam kung anong oras akong nakatulog kagabi pero nagising nalang ako nang umaga na. Napakunot ang noo ko nang may nakabalot na comforter sa katawan ko at nakahiga na ang buong katawan ko sa sofa.
Hindi ko na namalayan ang pagbalik nila Amber kagabi at nagtataka nga lang ako dahil bakit hindi nila ako ginising. Napatayo ako kaagad at tinignan ang kama ni Hope, natanaw kong natutulog siya ng mahimbing doon. May harang naman ang kama niya kaya hind siya basta-basta mahuhulog doon. Kinukusot ko ang mga mata ko at humihikab nang maramdaman kong may pumasok. Nang nang-angat ako ng tingin ay nakita kong si Damon 'yon na buhat-buhat si Hunter.
Tumama kaagad ang mga mata niya sa akin. Napasuklay tuloy ako sa
