NANATILI AKONG TUOD habang nakatingin nang matalim kay Martin. Nagtatanong ang mga mata niya sa akin. Muli ko na naman yatang nakain ang aking dila dahil hindi ako makapagsalita. Tahimik lang ako habang nakatingin sa lalaking nasa harapan ko.
"Can I court you, Angelie?" ulit niyang tanong.
Ngumiwi ako bago siya tinalikuran. Oo, may nangyari na sa amin at hindi ko iyon pinagsisisihan dahil ginusto ko rin ang bagay na iyon dahil mahal ko si Martin. Mahal ko si Martin pero hindi ito ang panahon para sa sinabi niya.
"Hindi na muna ngayon, Martin." Humarap ako sa kaniya na may lungkot sa aking mukha. "Please, Martin, hindi ito ang panahon para riyan. Tanungin mo ulit ako kapag natapos na ang issue. May asawa ako at kasal pa kami. Hintayin mong mapawalang bisa ang kasal namin ni Anthony bago
