PMS2-12.1
HALOS tulala lang si Jarsey habang nakaupo sa silya. Nasa kawalan ang utak niya. Namamaga pa rin ang kanyang mga mata. Bigla na lang kasi siyang iiyak. Huminga siya ng malalim at napatayo. Ngayon niya lang napuna na sobrang aligaga ang kanyang kuya Elven. May mga bag itong dala.
"Kuya, para saan po ang mga iyan?" taka niyang tanong sa kapatid.
"Itatakas kita Jarsey," sagot nito. Kinuha niya ang hawak nitong bag.
"Buo na ang pasya ko kuya. Itigil mo na ito." Kunot-noo naman itong umaling sa kanya.
"Nahihibang ka na ba Jarsey! Naririnig mo ba ang sarili mo? Ibebenta ka ni itay sa matandang kakilala niya! Hindi ka magiging masaya ro'n!" Nabitiwan niya ang bag na dala. "Sa sitwasyon ko ba ngayon kuya, magagawa ko pa bang maging masaya? Wala na si inay! Wala na rin ang nobyo
