Dahil naroon naman na ang mga magulang ni Elyana, nagpasya ang mag-inang Eugene at Felicity na umuwi muna. Sakay sila ng magkaibang sasakyan ngunit iisa ang pupuntahan.
Nang nakarating sa kanilang tahanan, hinintay ni Eugene ang kaniyang anak na siya'y lapitan. May nais lamang siyang malaman.
"Kailan mo balak sabihin, anak?" may pag-aalalang tanong ni Eugene.
Isang malalim na pagbuntong-hininga muna ang pinakawalan nito bago sumagot. "I don't know yet, Ma." Bakas sa mukha ang wala pang kasiguraduhang plano ngunit balak naman niyang sabihin iyon dahil wala siyang balak na makulong sa kasinungalingan sa mahabang panahon.
Gusto niya ring magabayan ang anak niya. Ang makilala siya nito bilang ama ngunit natatakot pa rin siya sa maaring kahantungan ng kaniyang pag-amin.
"Alam kong natata
