TUMAYO si Zandro nang balutin ng kilabot ang buong sistema niya. Pinagninilayan niya ang paligid. Napansin niya ang munting ipo-ipo na nilalaro ang mga tuyong dahon at alikabok. Pilit niyang nilalabanan ang kilabot niya at tuluyang tinanggap ang kapalaran na lapitin siya ng hindi normal na elemento. Sa pagkakataong iyon ay hindi na niya hahayaang agawan na naman siya nito ng katawan.
"Ano ba talaga ang kailangan mo sa akin? Sino ka ba?" matapang na tanong niya sa elementong binubuo ng hangin.
Ang ipo-ipo ay unti-unting lumalaki at lumalapit sa kanya.
"Sagutin mo ako, kakampi ba kita o kaaway? Kilala ka ba ni Margareta? Anong kailangan mo kay Margareta?" walang prenong tanong niya.
Napatingin siya sa lupa na may mga litrang ginuguhit ng munting sanga ng kahoy. Taimtim niyang binabasa an
