"Excuse me. Punta lang ako sa CR," paalam ko sa lahat saka tumayo at kinuha ang purse.
"Uy gusto mo ng kasama? Sama ako." Aktong tatayo si Xylca pero umiling ako.
"No need. I can manage."
Tumalikod na ako bago pa man ito makapangulit na naman. Nginitian lang ako ni Myca na nakakaunawang sinulyapan ang direksiyon ni Owen sa kabilang mesa na kasamang dumating ni Jacques sa club.
Kung hindi lang sana nakakahiya sa ikakasal ay kanina pa ako umalis. Hindi kasi ako mapalagay sa upuan samantalang hayagan akong tinititigan ni Owen. Kulang na nga lang ay lumipat ito sa upuan ko at tabihan ako. Naaalibadbaran ako sa presensiya niya.
Diretso akong nagpunta sa CR at pumasok sa isang cubicle. Pumikit ako at kinalma ang sarili. Kinapa ko ang necklace sa leeg at hinalikan ito.
"Your daddy is haras
