"Manang Inday, pakibuksan naman ang gate para makapasok sila," utos ng kanyang Mommy sa kasambahay.
Wala siyang maisip na sasabihin sa ina, hindi niya akalain pagdating din niya magkakaharap na agad sila ni boninay. Ni hindi pa nga siya nakakapag isip kung papaano ba niya sasabihin dito. Siyempre hindi naman basta-basta pwedeng sabihin na lang niya dito ng gano'n, na ayaw na niya at di na matutuloy ang kasal na ipinangako niya. Napakabastos naman niya kapag nagkaganon dahil sa haba ng panahon na paghihintay nito sa kanya, tapos iyon lang ang isasagot niya dito. Isa pa, ayaw din niyang saktan ang damdamin nito at hindi pa rin siya handa na sabihin sa kanyang Mommy ang tungkol kay Janna lalo pa at may dinaramdam pa ito sa ngayon.
Hindi naman sa naduduwag siya isinasaalang-alang lamang ni
