"Anak mag-usap nga tayo," narinig ni Cedrick na wika ng kanyang Mommy na nasa tapat ng pinto kanyang silid.
Mukhang at kailangan na niyang maipagtapat sa kanyang Mommy ang totoo. Sabagay mas mainam na rin iyon na masabi na nila dito ng maaga para naman hindi na ito umaasa pa. Nahalata din siguro nito ang pagkadisgusto niya kanina sa pakikiharap niya kay Bonenay.
Tumayo siya mula sa kama at binuksan ang pinto para makapasok ang kanyang Mommy.
"Cedrick, anong ibig sabihin ng malamig na pakikipagharap mo na iyon kay Bonenay? Hindi ka ba excited na natagpuan na natin siya? Di ba ikaw na rin ang nagsabi sa akin na ayaw mong pakasalan ang babaeng gusto ko para sayo dahil sinabi mo noon na may mahal ka na at nais mong makasama sa pagtanda mo at siya ang gusto mong pakasalan, diba si Bonena
