"Oo apo, iyan ang pangalan niya. Si Janna lang naman ang nag-iisang dalaga na nakatira sa bahay ampunan. Ang alam ko kasi meron pang isa na kasing edad din niya, pero diko matandaan ang pangalan ng batang iyon. Pumupunta rin iyon dito dati sa ating farm pero ang alam ko eh wala na iyon sa bahay ampunan kasi minsan na nabanggit sa akin ni Sister Theresa na inampon na ito ng mag-asawang hindi nagkakaanak. Bakit mo nga pala naitanong apo? Alam mo ba na si Janna ang pinakapaborito kong bata diyan sa bahay ampunan? Simula pa noon napakasipag, napakabait at malambing kaya naman kahit sino ay kagigiliwan talaga," masayang pahayag ng kanyang lola na talagang kinagigiliwan ang babae.
Pero napailing na lamang siya sa pangalan ng babae at tila din may humaplos na mainit na bagay sa kanyang puso pa
