Epilogue
Savyy is facing the church. Hawak niya ang bouquet sa kanyang mga kamay. Nasa tabi niya ang Papa niya na may posas ang mga kamay pero nakasuot ng tuxedo. Malapit ng magkaroon ng pardon ang ama niya, bagay na pinagsusumikapan ni Agatha bilang bagong abogado ng Papa niya. Napakaswerte niya. Hindi lahat ng tao ay naging mabuti sa kanya pero may mga dumating na mas higit pa sa tunay na pamilya ang turing sa kanya.
“Pasensya ka na, anak. Nakaposas ang tatay mo kahit ihahatid ka sa altar. Nakakahiya sa parte mo dahil ang asawa mo bilyonaryo na pulis pa, habang ako ay galing kulungan.”
Nginitian niya ang ama at niyakap ito sa isang braso, “Papa pa rin kita kahit nagkamali ka. Ang papa ni Stanley mas malala ang ginawa sa kanya pero Papa pa rin niya hanggang sa tuluyang nagbagi at nagi
