Point of view
- Voltaire –
Tinitigan ko si Cordelia habang dahan-dahang tumatayo. Napatingin siya sa akin at bumalik sa mga mata niya ang mapupulang kulay nito. Itinaas niya ang kaniyang palad at unti-unting dinampi sa kaniyang mukha.
"Bakit ako lumuluha? at ang sakit ng nararamdaman ko sa aking puso."
Binibigkas n'ya iyon habang nakatingin sa kamay niyang may luha galing sa kaniyang mga mata. Nakita ko ang pagkuyom nito at inis sa kaniyang mukha.
"Bwisit ka talagang babae ka, hindi ka pa mamatay sa katawan na ito!"
Para siyang siraulo dahil kinakausap niya ang kaniyang sarili at sinisigawan ang katawan niya
"Tapos ka na ba sa pakikipag-usap sa nakaw mong katawan, Cordelia?!" Pagsingit ko sa kanya habang hinihigpitan ang hawak sa dinampot kong espada kanina.
"T
